(ویب ڈیسک) شانگلہ اور ہری پورمیں بارش کا سلسلہ شروع ہوگیا ہے۔ محکمہ موسمیات کے مطابق شانگلہ بالائی علاقوں پر برف کا سلسلہ بھی شروع جس کی وجہ سے سردی کی شدت میں اضافہ ہوگیا ہے۔

 محکمہ موسمیات کے مطابق بارش کا یہ سلسلہ آئندہ 24 گھنٹے جاری رہنے کا امکان ہے۔ بارشوں کی وجہ سے سردی کی شدت میں اضافہ ہوگیا ہے، لوگوں نے گرم ملبوسات کا استعمال شروع کردیاہے۔ 

 سوات ،مالم جبہ میں موسم سرما کی پہلی برفباری کا آغاز ہو گیا ہے ،سرد موسم کے باعث لوگوں نے گرم ملبوسات کا استعمال شروع کر دیا، مینگورہ شہر اور گردونواح میں وقفے وقفے سے بارش کا سلسلہ  جاری ہے، بالائی علاقوں  پلوگاہ، مہوڈنڈ اور گبرال میں بھی برفباری کا سلسلہ شروع ہو گیا ہے۔