’ارطغرل‘کی نئی ویڈیو وائرل، مداح آبدیدہ ہوگئی

(سٹی42) مقبول ترین ترک ڈرامہ سیریل '   ارطغرل غازی' نے نئے ریکارڈ بنائے، اس ڈرامے میں ہرکردار نے اپنی صلاحتیوں کو باخوبی سے استعمال کرتے اداکاری کی جس کی وجہ اس ڈرامے نے دیکھتے مقبولیت کے جھنڈے گاڑھ دیے اور آج دنیا کے بیشتر ممالک میں اس کو دیکھنے والوں کی کثیر تعداد موجود ہے، اس ڈرامے کے مرکزی ترک اداکار ’ ارطغرل‘ کی نئی ویڈیو سامنے آئی جس میں ایک کم عمر لڑکی ان سے مل کر اپنے جذبات پر قابو نہ رکھ سکی۔

تفصیلات کے مطابق  میگا ہٹ ترک سیریل' ارطغرل غازی' میں ’ ارطغرل‘ کا مرکزی کردار ادا کرنے والے ترک اداکا  انگین آلتان نے انسٹاگرام پر ایک نئی ویڈیو پوسٹ کی، ویڈیو کسی تقریب کے موقع پر بنائی گئی جہاں وہ اپنے فینز کے سوالوں کے جوابات دے رہے ہیں اور دلچسپ تبصرے ہورہے ہیں، اس ہجوم میں اچانک ایک کم عمر مداح ترک اداکار  انگین آلتان کے گلے مل کر آبدیدہ ہوجاتی ہے۔

اپنی محبت کا اظہار کرتےہوئےلڑکی نے کچھ گفتگو بھی کی، اداکار نے بھی مداح سے اپنی محبت کا اظہار کیا،وہاں موجوددیکھنے والےبھی اس منظر کو دیکھ کر پرسکون اور خوش دکھائی دیے جبکہ  اس دوران انگین آلتان خوشگوار موڈ میں نظر آئے۔

واضح رہے کہ دنیا بھر میں مقبولیت کے ریکارڈ قائم کرنے والی ترک سیریز ’ ارطغرل غازی‘ میں اطغرل کا مرکزی کردار اد ا کرنے والے اداکار انگین آلتان کی نے ارطغرل غازی میں اداکاری کے جوہر دکھانے کے بعد دنیا بھر میں شہرت حاصل کی اور آج ان کے چاہنے والوں کی تعداد لاکھوں میں ہے، جبکہ اب لوگ ان کی ہر سٹال اور تصاویر کو دلچسپی سے دیکھتے ہیں۔دنیا بھر میں ارطغرل کے ہیرو کو انسٹا گرام پر فالو کرنے والوں کی تعداد 30 لاکھ  سے زائد ہے، جبکہ ان میں بڑی تعداد پاکستانیوں کی بھی شامل ہے۔