(ویب ڈیسک)نوبل انعام یافتہ پاکستانی ملالہ یوسف زئی اپنے شوہرکے ہمراہ ترکی سیر وتفریح کےلئے پہنچ گئیں، تصاویر بھی شیئر کر دیں ۔
تفصیلات کے مطابق ملالہ یوسف زئی کے شوہرعصر ملک نے فوٹو اینڈ ویڈیو شیئرنگ ایپ انسٹاگرام پر اہلیہ کے ساتھ نئی تصاویر شیئر کرتے ہوئے کیپشن میں لکھا کہ نیورلینڈ کی تلاش۔شیئر کی گئی تصاویر میں دیکھا جا سکتا ہے کہ ملالہ اپنے شوہر کے ساتھ ترکی میں خوب انجوائے کر رہی ہیں۔
واضح رہے کہ گزشتہ سال نومبر میں ملالہ یوسف زئی اور عصر ملک کا نکاح ہوا تھا۔سماجی رابطے کی ویب سائٹ ٹویٹر پر ملالہ یوسف زئی نے اپنے نکاح کی تصاویر بھی شیئر کی تھی۔