گلبرگ (رانا آزر) پاکستانی کرکٹ ٹیم کے سابق فاسٹ باؤلر عمر گل کے ہاں چند روز قبل بیٹی ہوئی تھی، نومولود بیٹی کے کان میں اذان دینے کی ویڈیو وائرل ہو گئی۔
36 سالہ عمر گل نے اپنے انسٹاگرام اکاؤنٹ پر مختصر ویڈیو شیئر کی جس میں وہ اپنی بیٹی زینب کے کان میں اذان دیتے دیکھے جاسکتے ہیں، ویڈیو شیئر کرکے عمر گل نے لکھا کہ اپنی ننھی شہزادی کے کان میں اذان دینے کا لمحہ کافی جذباتی تھا، یہ احساس مجھے دنیا سے دور لے گیا تھا، میں اللہ کے احسانات کا شکرگزار ہوں۔
View this post on Instagram
چند روز قبل سابق کرکٹر نے ٹویٹر پر جاری اپنے پیغام میں بتایا تھا کہ اللّٰہ نے ایک بار پھر مجھے رحمت سے نوازا ہے، زینب اور ماں دونوں خیریت سے ہیں اور بخیر و عافیت گھر آگئے ہیں، اہلیہ اور بیٹی دونوں کی صحت اچھی ہے، اللّٰہ پاک لمبی اور صحت مند زندگی عطا کرے، عمر گل نے اپنے پیغام میں مداحوں سے اہل خانہ کو دعاؤں میں یاد رکھنے کی درخواست بھی کی تھی۔
خیال رہے کہ عمر گل 2010 میں رشتہ ازدواج میں منسلک ہوئے تھے، ان کے ہاں پہلی بیٹی ریحاب کی پیدائش 2012 میں جبکہ بیٹے عیسیٰ کی پیدائش 2015 میں ہوئی۔