(عابد چوہدری)ہنجروال میں پھوپھی زاد بھائیوں نے کزن  کو  گولیاں مار دیں،افسوسناک  واقعے میں فقیر حسین جان کی بازی ہار گیا۔

تفصیلات کے مطابق50 سالہ فقیر حسین کو شوکت، شہزاد نے فائرنگ کرکے قتل کیا، زخمی فقیر حسین کو ہسپتال پہنچایا گیا لیکن وہ جانبر نہ ھو سکا۔۔پولیس نے لاش مردہ خانے جمع کرا دی۔ابتدائی تفتیش میں پتہ چلا ہے کہ ملزمان کو مقتول سے ذاتی رنجش تھی۔

  واضح رہے کہ معاشرے میں قتل کی وارداتوں کاہونا معمول کا حصہ بن چکا ہے، ایسے افسوسناک واقعات رونماں ہورہے ہیں کہ دیکھنے اور سننے والے افسردہ اور ملزمان کو فوری سزا دلانے کا مطالبہ کرتے نظر آتے ہیں۔ معاشرے کی عمارت  برداشت، رواداری، اخلاقیات اور محبت کے ستونوں پر کھڑی ہوتی ہے اور جب یہ خصوصیات سماج سے رخصت ہوجائیں تو وہ تباہی کی طرف تیزی سے گامزن ہوجاتا ہے۔

یہی گمبھیر صورت حال ہمارے معاشرے کو بھی درپیش ہے جہاں عدم برداشت کا رجحان اس سُرعت سے فروغ پارہا ہے کہ جس کی کوئی حد نہیں۔عدم برداشت کے بڑھتے ہوئے خوفناک رحجان کی وجہ سے ہمارے معاشرے میں تشدد کے واقعات میں بھی اضافہ ہورہا ہے، یوں دکھائی دیتا ہےجیسے  افراد کی اکثریت کی قوت برداشت ختم ہوچکی ہے ۔