عبدل جبار ابڑو : شکارپور پولیس نے سنگین جرائم میں ملوث 50 لاکھ انعام یافتہ اشتہاری ڈاکو کو گرفتار کرلیا ۔
گڑھی یاسین پولیس کو اطلاع ملی کہ گواز واہ کے علاقے میں ڈاکو ڈکیتی کی نیت سے شہر کے علاقے میں داخل ہوئے ہیں۔ اے ایس پی سٹی منیب احمد کی سربراہی میں پولیس پارٹی مذکورہ مقام پر پہنچی، جہاں ڈاکوؤں نے پولیس پارٹی پر فائرنگ کردی ۔
پولیس اور ڈاکووں میں مقابلے کے دوران 50 لاکھ انعام یافتہ اشتہاری ڈاکو عطو عرف عطا محمد بروہی کو گرفتار کرلیا گیا ،گرفتار ڈاکو پر سندھ حکومت نے گرفتاری پر 50 لاکھ روپے انعام کا اعلان کیا تھا ۔
پولیس کا کہنا ہے کہ گرفتار ڈاکو ڈکیتی، پولیس مقابلوں، قتل اور اقدام قتل کی 29 سے زائد وارداتوں میں ملوث اور مطلوب تھا.