ویب ڈیسک : کبل کے علاقہ دیولی کے ایک گھر سے ماں اور تین بیٹیوں سمیت چار خواتین کی لاشیں برآمد ہوئی ہیں۔
پولیس کے مطابق یہ واقعہ مبینہ طور پر شوہر کی فائرنگ سے پیش آیا ہے۔پولیس نے موقع پر پہنچ کر چاروں خواتین کی لاشیں برآمد کیں۔ مقتولین کی شناخت بیوی اور اس کی تین بیٹیوں کے طور پر ہوئی ہے۔
پولیس کا کہنا ہے کہ شوہر نے مبینہ طور پر بیوی اور بیٹیوں پر فائرنگ کی اور بعد ازاں فرار ہونے میں کامیاب ہو گیا۔ پولیس نے ملزم کی تلاش شروع کر دی ہے اور مختلف مقامات پر چھاپے مارے جا رہے ہیں، جبکہ واقعے کی مزید تفتیش جاری ہے ۔