وقاص احمد : کوٹ لکھپت پولیس کی کامیاب کارروائی ، نوکری دلوانے کے بہانے شہریوں سے پیسے بٹورنے والے 3 ملزمان گرفتار کر لئے ۔
پرائیویٹ سیکٹر میں نوکری دلوانے کے بہانے شہریوں سے پیسے بٹورنے والے 3 ملزمان گرفتار کرلئے گئے ۔کوٹ لکھپت پولیس کے مطابق ملزمان دعا، احمد اور عرفان کو گرفتار کیاگیا ہے۔ملزمان نے قینچی بازار میں رائزنگ سٹار نام سے بھرتی دفتر بنا رکھا تھا اور ملزمان سوشل میڈیا پر مختلف دفاتر و فیکٹریوں میں بھرتیوں کی تشہیر کرتے تھے ۔
ملزمان شہریوں کو فیکٹری میں بھرتی کرنے کے بہانے لاہور بلاتے اور رقم ہتھیا کر رفوچکر ہو جاتے۔پولیس کے مطابق ملزمان ابتک جعلی بھرتیوں کے ذریعے دھوکہ دہی سے لاکھوں روپے بٹور چکے ہیں۔