فران یامین: جیل روڈ پر صدقے کا گوشت فروخت کرنے والوں کا قبضہ برقرار ہے، گوشت فروخت کرنے والوں کے خلاف کارروائی کے احکامات پر عمل ہوتا دکھائی نہیں دے رہا۔
جیل روڈ ، مغلپورہ انڈرپاس کے قریب چیل گوشت فروخت کرنے والوں نے پابندی ہوا میں اڑا دی، چیل اور صدقے کا گوشت فروخت کرنے پر پابندی کے باوجود یہ کاروبار کھلے عام جاری ہے ۔ شاپنگ بیگ سمیت گوشت پھینکنے کے باعث ہر طرف گندگی ہی گندگی دکھائی دیتی ہے جس سے دیگر مسائل بھی پیدا ہورہے ہیں۔
چیلوں کی موجودگی کے باعث کینال اور اطراف میں چھوٹے پرندے ناپید ہوتے جا رہے ہیَں۔ شہری بھی ناک بھوں چڑھاتے ہوئے دکھائی دیتے ہیں۔
شہریوں نے کینال روڈ پر چیل گوشت فروخت کرنےوالوں کیخلاف کارروائی کا مطالبہ کردیا ہے۔