(ویب ڈیسک)لبنان کے ایک پائلٹ نے مسافر خاتون کو ٹیک آف سے کچھ دیر قبل سب کے سامنے اسے شادی کی پیشکش کر دی۔
مڈل ایسٹ ائیر لائنز کے کیپٹن ابراہیم خطیب نے مسافروں کے لیے کاکپٹ میں موجود اناؤنسمنٹ سسٹم پر خاتون، جن سے وہ محبت کرتے تھے، ان سے اپنی محبت کا اظہار کیا ،لبنانی خاتون کو یہ توقع ہرگز نہیں تھی کہ جب وہ جہاز میں بیٹھیں گی تب انہیں زندگی کے سب سے یادگار لمحے کا تجربہ کرنے کو ملے گا، ابراہیم خطیب نے تمام مسافروں کو مخاطب کیا اور کہا کہ 'آج میں طیارے میں بہت ہی خاص مسافر کو خوش آمدید کہتا ہوں، ان کا نام شرین الحاج ہے ، کیا آپ کھڑی ہوسکتی ہیں؟'
اپنا نام سنتے ہی خاتون حیران رہ گئیں اور شرم سے چہرہ چھپا لیا، جب وہ کھڑی ہوئیں تو پائلٹ نے اعلان جاری رکھا اور کہا '245 مسافروں کے سامنے میں آپ کو یہ بتانا چاہتا ہوں کہ مجھے آپ سے محبت ہے، اور میں نے آپ کے ساتھ زندگی گزارنے کا فیصلہ کیا ہے'۔
View this post on Instagram
بات جاری رکھتے ہوئے انہوں نے کہا 'میں آپ سے مشہورِ زمانہ سوال کروں گا، کیا آپ مجھ سے شادی کریں گی؟'
ابراہیم خطیب اعلان ختم کرکے اپنی سیٹ سے اٹھ کر مسافروں میں آتے ہیں اور شرین الحاج کو گلے لگاتے ہوئے انگوٹھی نکال کر خاتون کی انگلی میں پہنا دیتے ہیں ، شرین نے ابراہیم کو شادی کے لیے ہاں کردی۔