(سٹی 42) لاہور ہائیکورٹ نے گرفتار لیگی کارکنوں کو رہا کرنے کا حکم دے دیا، دوسری جانب ڈی آئی جی آپریشنز لاہور شہزاد اکبر کا کہنا ہے کہ کسی بھی سیاسی جماعت کے کارکن کو غیر قانونی حراست میں نہیں کیا۔

لاہور ہائیکورٹ میں ن لیگی کا رکنوں کو گرفتار کرنے کے حوالے سےکیس کی سماعت قائم مقام چیف جسٹس محمد انوارالحق نے کی، آئی جی پنجاب اور ایڈیشنل چیف سیکرٹری ہوم عدالت میں پیش ہوئے، عدالت کے استفسار پر ایڈیشنل چیف سیکرٹری نے بتایا کہ 141 لیگی کارکن گرفتار کیے گئے۔

آئی جی پنجاب نے بتایا کہ دہشت گردی کے پیش نظر گرفتاریاں کی گئیں، پورے پنجاب میں دہشت گردی کا خطرہ ہے، جس پر عدالت نے کہا کہ بتایا جائے کہ کس الزام میں لوگوں کو گرفتار کیا گیا ہے، جو لوگ خطرے کا باعث ہیں ان کو ضرور پکڑیں، کسی بھی شخص کو غیر قانونی طور پر حراست میں نہ رکھا جائے۔