لاہور ایئرپورٹ پر خاتون سے نائن ایم ایم پسٹل کی گولیاں بر آمد

(سٹی 42) لاہور ایئرپورٹ پر اے ایس ایف کی کارروائی، جدہ جانے والی خاتون سے نائن ایم ایم پسٹل کی 7 گولیاں برآمد کر لی۔ 
ایئرپورٹ ذرائع کے مطابق مسافر خاتون نجی ایئرلائن کی پرواز 3737 کے ذریعے جدہ جا رہی تھی۔ کاؤنٹر پر چیکنگ کی گئی تو بیگ سے گولیاں برآمد ہوئیں۔ خاتون نے مؤقف دیا کہ بیگ غلطی سے میرے پاس آیا یہ میرے بھائی کا بیگ ہے، بھائی کے پاس پسٹل کا لائسنس بھی موجود ہے۔ حکام نے خاتون سے تحریری معافی  نامہ لکھوا کر سفرکرنے کی اجازت دیدی۔