سٹی 42: لاہورمیں ایک طالب علم پنجاب یونیورسٹی کےامتحانی مرکز کے سیکیورٹی گارڈکے پاؤں میں بیٹھ کر منت سماجت کرتا رہا، زار و قطار روتا رہامگرسیکیورٹی گارڈنے اسے پیپر دینے کی اجازت نہ دی۔
تفصیلات کے مطابق پنجاب یونیورسٹی بی اے تھرڈ ائیرکا مطالعہ پاکستان کا پرچہ تھا،وحدت روڈ امتحانی مرکزمیں ایک طالب علم رول نمبر سلپ لانابھول گیا، وہ رول نمبر سلپ لےکر دوبارہ آیاتو سیکیورٹی گارڈ نےروک لیا۔
اس واقعے کی ویڈیو میں دیکھا جا سکتا ہے کہ طالب علم زار و قطار رو رہا ہے اور سیکیورٹی گارڈ کے سامنے بیٹھ کرمنتیں کررہا ہے۔
ترجمان پنجاب یونیورسٹی کا مؤقف ہے کہ قانون کےمطابق ایک طالب علم بھی پیپر دے کر چلا جائےتو کسی کو اندر جانے کی اجازت نہیں ہوتی، مذکورہ طالب علم 55منٹ کی تاخیر سے پہنچا،تب تک40سےزائدامیدوارپرچہ دےکرجاچکے تھے۔