سٹی 42: بالی وڈ اداکارہ سنی لیون کی ویب سیر یز ’ انامیکا‘ کی شوٹنگ کے دوران جھگڑا ہوگیا۔

تفصیلات کے مطابق بالی وڈ ہدایت کار وکرم بھٹ نے انکشاف کیا ہے کہ ویب سیریز کے دوران فیس کے معاملے پر بڑا جھگڑا ہوا تھا۔انہوں نے بتایا کہ سنی لیون کی ویب سیریز ’ انامیکا‘ کے سیٹ پر فائٹرز ایسوسی ایشن کے ارکان نے واجبات کیلئے جھگڑا شروع کیا تھا اور جھگڑا س قدر بڑھ گیا تھا کہ ہمیں سنی لیون کو وینیٹی وین میں چھپانا پڑا۔

ان کا کہنا ہے کہ شوٹنگ کیلئے سنی بھی سیٹ پر موجود تھیں اور ایسے میں ایکشن اسٹنٹ کرنے والوں نے فوری ادائیگی کا مطالبہ کیا تو فوری طور پر مجھے سنی لیون کی فکر ہوگئی تھی اور انہیں وینیٹی وین میں بند کیاتھا۔ وکرم بھٹ کا کہنا تھا کہ معاملے اس قدر بڑھا تھا کہ پورا دن گزر گیا تھا جس کے باعث شوٹنگ بھی نہیں ہوسکی تھی۔

دوسری جانب ایسوسی ایشن کا کہنا ہے کہ وکرم بھٹ نے 38 لاکھ بھارتی روپے کی ادائیگی کرنا تھی تاہم وہ اس سے انکاری تھی جس پر کام کو روکا گیا تھا اور فوری طور پر 14 لاکھ کا چیک لیاگیا تھا۔