ویب ڈیسک: ملک بھر میں عام انتخابات کی تاریخ کے اعلان کے بعد مسلسل سیاسی پارہ ہائی جارہا ہے ، ایک طرف ن لیگ کی جانب سے مختلف سیاسی پارٹیوں کیساتھ الحاق کی باتیں منظر عام پر آ رہی ہیں تو دوسری جانب سے بلاول بھٹو تن تنہا سیاسی حریفوں پر تیر چلا رہے ہیں ۔
ایسے میں بدین سے خبر سامنے آئی ہے کہ پیپلزپارٹی کےسابق رکن قومی اسمبلی سابق ضلع ناظم کمال خان چانگ کی مسلم لیگ ن سندھ کے صدر بشیر میمن ،کھیئل داس کوھستانی سےملاقات ہوئی ہے، اہم ملاقات میں عثمان جنجوہ بھی شریک تھے ، بشیر میمن اور کھیئل داس کوھستانی نے سردار کمال خان چانگ کو ن لیگ میں شمولیت کی دعوت دی، سردار کمال خان چانگ کا ن لیگ میں شمولیت کی دعوت پر جلد مثبت جواب دینےکا عندیہ۔