عامر رضا خان:سٹی نیوز نیٹ ورک 16 سال کا ہوگیا، 2008 میں شروع ہونے والا خبر اور سچ کا سفر آج بھی جاری وساری ہے اپنے قارئین کے لیے سٹی نیوز نیٹ ورک کے چینلز سٹی فورٹی ٹو، 24 نیوز ایچ ڈی، سٹی 41، روہی ٹی وی، سٹی 21 اور ڈیلی سٹی فورٹی ٹو کی کہانی سامنے آگئی ۔
سٹی نیوز نیٹ ورک کی بنیاد امریکہ سے صحافت کی اعلیٰ تعلیم اور سی این این جیسے بڑے ادارے مین کام کرنے والے صحافی اور موجودہ وفاقی وزیر داخلہ سید محسن نقوی نے 2008 مین رکھی اس بینر تلے پاکستان کا پہلا میٹرو پولیٹین نیوز چینل سٹی فورٹی ون آن ائر کیا گیا، یہ چینل جسے ایک کامیاب تجربہ کہا جاسکتا ہے دیکھتے ہی دیکھتے لاہور شہر میں بسنے والے شہریوں کی آواز بن گیا،
خبر، چینل اور شہریوں کا یہ رشتہ اتنا پختہ ہوا کہ لاہور اور سٹی فورٹی ٹو چینل کو ایک ہی سمجھا جانے لگا شہر میں تہوار ہوں یا جلسہ، کھیل کے میدان ہوں یا گلی میں پانی،،،،،، یا پھر گیس بجلی کی بندش سٹی فورٹی ٹو ہر لاہوری کی آواز بنا اور یوں وہ شہر کی ایسی موثر آواز بنا کہ شہر مین ہونے والے ہر ایونٹ کو لاہوریوں نے سٹی نیوز نیٹ ورک کے پہلے چینل سٹی فورٹی ٹو کی آنکھ سے دیکھا۔