ویب ڈیسک :بالی ووڈ کے کھلاڑی اکشے کمار نے اپنے موبائل فون کے میسجز اہلیہ کو پڑھانے سے متعلق پوچھے جانے والے سوال کا دلچسپ جواب دیا ہے۔
بھارتی میڈیا کے مطابق اکشے کمار کی آنے والی فلم کھیل کھیل میں مبینہ طور پر 2016 کے اطالوی کامیڈی ڈرامہ پرفیکٹ اسٹرینجر کا ریمیک ہے، فلم کی کہانی سات دوستوں کے گرد گھومتی ہے جن کے کچھ گہرے راز اور جھوٹ اس وقت سامنے آجاتے ہیں جب وہ اپنے فون پر گیم کھیلنے کا فیصلہ کرتے ہیں۔
اسی حوالے سے بالی ووڈ کے معروف اداکار اکشے کمار نے بھارتی میڈیا کو انٹرویو دیا جس میں ان سے سوال پوچھا گیا کہ اگر ٹوئنکل ان کا موبائل چیک کریں اور نجی پیغامات پڑھیں تو اکشے کا ردعمل کیا ہوگا؟
سوال کے جواب میں اداکار نے کہا کہ ‘اگر مجھے اپنا فون اہلیہ کو دکھانا پڑے تو میں نہیں ڈروں گا، میرا فون میرے عملے کے ارکان کے پاس ہوتا ہے‘اداکار نے کہا کہ ’میرا موبائل گھر میں کہیں بھی پڑا رہتا ہے، چارج ہوتا رہتا ہے، میرے پاس چھپانے کو کچھ نہیں ہے’۔