سٹی42: راولپنڈی کی ضلعی انتظامیہ نے یوم آزادی کی تقریبات کو دفعہ 144 کے تحت سیاسی اجتماعات اور جلوسوں پر پابندی کے حکم سے مستثنیٰ کر دیا۔ اس استثنیٰ کا باضابطہ اعلان کے ساتھ ترمیم شدہ نوٹیفیکیشن بھی جاری کر دیا گیا ہے۔
ترمیم شدہ نوٹیفیکشن میں کہا گیا ہے کہ یوم آزادی پر تمام سرکاری اورر غیر سرکاری اجتماعات، جلوسوں کو جن کا تعلق یوم آزادی سے ہو گا پابندی سے استثنیٰ دیا جا رہا ہے۔ باقی تمام پابندیاں جو 13 اگست کو جاری کئے گئے سیکشن 144 کی توسیع کے آرڈر میں درج ہیں ان کا اطلاق حسب سابق ہو گا۔
واضح رہے کہ راولپنڈی کی ضلعی انتظامیہ کی جانب سے 13 اگست کو ایک نوٹیفیکشن جاری کیا گیا تھا جس میں پہلے سے نافذ سیکشن 144 میں مزید ایک ہفتہ کی توسیع کی گئی تھی، اس آرڈر کے تحت 19 اگست تک راولپنڈی مین ہر طرح کے سیاسی اجتماعات، جلسہ جلوس پر پابندی عائد کر دی گئی تھی اوور لاوڈ اسپیکر کے استعمال کے ساتھ موٹر سائیکل پر دو افراد کے سفر کرنے پر بھی پابندی لگا ئی گئی تھی۔
اس پابندی پر چینل 24 پر سخت تنقید کی گئی اور سے یوم آزادیکی سپرٹ کے خلاف اقدام قرار دیا گیا، اس کے بعد انتظامیہ نے اپنے حکمنامہ میں مناسب ترمیم کر کے یوم آزادی کے حوالہ سے ہر طرح کی پابندی ختم کر دی ہے۔
