ویب ڈیسک : لاہور کی  سٹی ٹریفک پولیس نے  کم عمر ڈرائیورز کے خلاف کریک ڈاؤن شروع کردیا۔ 

   کم عمر ڈرائیونگ پر 790 موٹرسائیکلیں مختلف تھانوں، سیکٹرز میں بند کروا دی گئیں، ون ویلرز، ریسنگ، زگ زیگ اور کم عمر ڈرائیورز کی موٹرسائیکلیں دو روز تک بند رہیں گیں۔ اس حوالے سے سٹی ٹریفک پولیس اور ڈولفن پولیس کے 255 مشترکہ دستے بھی تیارہوچکے ہیں۔ اس کے علاوہ ہلڑ بازی کرنے والوں کےلئے مختلف ہاٹ اسپاٹ پر جیل وینز بھی تیار رہیں گیں۔ 

سی ٹی او  لاہور مستنصر فیروز  کا کہنا ہے کہ  کم عمر ڈرائیورز کو حادثات کی نظر نہیں ہونے دیا جائے گا۔ بچے قوم کا مستقبل،  محفوظ بنایا جائے گا۔  80 فیصد سے زائد ٹریفک حادثات میں موٹرسائیکلسٹ زخمی ہوتے ہیں۔ 

انہوں نے مزید کہا کہ جشن آزادی پر والدین ذمہ داری کا مظاہرہ کریں۔   آزادی کی خوشی منائیں، کسی کو تکلیف نہ پہنچائیں۔ جشن آزادی پر شہریوں کے جان و مال کے تحفظ کیلئے سختی کی جائے گی۔