(ویب ڈیسک)جنت مرزا نے انسٹاگرام پر مداحوں کے لیے سوال و جواب کا ایک سیشن رکھا جس میں اُن کی عمر بٹ سے شادی کے حوالے سے سوال کیا گیا۔
تفصیلا ت کے مطابق ایک صارف نے جنت مرزا سے سوال کیا کہ ’شادی کب ہورہی ہے؟‘جواب میں جنت مرزا نے کہا کہ ’تعلیم مکمل ہونے دو، ڈگری مل جائے ، شادی بھی کرلوں گی۔
واضح رہے کہ قبل ازیں معروف ویڈیو ایپلیکشن ٹک ٹاک سے شہرت حاصل کرنے والی معروف پاکستانی ٹک ٹاکر جنت مرزا کی منگنی کے خبریں سامنے آئیں تھیں، ان کی منگنی عمر بٹ سے ہوئی ہے جو بھی ٹک ٹاکر ہیں،دونوں کے خاندانوں کی رضا مندی سے منگنی طے پائی ہے اور جلد ہی جنت مرزا پیا گھر سدھا جائیں گی ۔
دوسری جانب جنت مرزا کے ٹک ٹاک اکاؤنٹ کی بات کی جائے تو اُنہوں نے اب تک لاتعداد ویڈیوز اپ لوڈ کی ہیں جس پر لاکھوں میں لائیکس آتے ہیں جبکہ اُن کے چاہنے والے کمنٹ سیکشن میں اُن کے لیے مثبت پیغامات بھی بھیجتے ہیں۔
پاکستان کی نمبر ون ٹک ٹاک سٹار کے مداح ناصرف اُنہیں ٹک ٹاک پر فالو کرتے ہیں بلکہ سوشل میڈیا سائٹ انسٹاگرام پر موجود جنت مرزا کے اکاؤنٹ کو بھی صارفین کی بڑی تعداد نے فالو کیا ہوا ہے۔
یاد رہے کہ جنت مرزا نے اپنے ٹک ٹاک اور انسٹاگرام اکاﺅنٹ پر ایک ویڈیو پوسٹ کی تھی جس میں وہ لائف جیکٹ پہنے چند فٹ کی بلندی سے پانی میں چھلانگ لگارہی ہوتی ہیں، اس ویڈیو کے ساتھ کیپشن میں جنت مرزا نے بتایا کہ وہ لائف جیکٹ کے بغیر چھلانگ لگانا چاہتی تھیں لیکن انہیں ایسا کرنے کی اجازت نہیں دی گئی۔
انہوں نے لکھا کہ ”میری تو لڑائی ہو گئی تھی لائف گارڈ سے کہ جیکٹ کے ساتھ چھلانگ نہیں لگاﺅں گی، لیکن وہ بھی میری طرح ضدی تھا،جنت مرزا کی یہ ویڈیو تیزی سے وائرل ہو رہی ہے اور لوگ انہیں مشورہ دے رہے ہیں کہ لائف جیکٹ کے بغیر چھلانگ لگانے سے گریز ہی کریں ،اس ویڈیو کو اب تک 8 لاکھ 35 ہزار سے زائد لوھ دیکھ چکے ہیں جبکہ کمنٹس سیشن میں تبصروں کا سلسلہ بھی جاری ہے۔