نہر سے جواں سالہ لڑکی کی لاش برآمد

(فہد بھٹی)تھانہ ہیر کی حدود بی آر بی نہر سے جواں سالہ نامعلوم لڑکی کی لاش برآمد،شناخت نہ ہونے پر پولیس نے لاش پوسٹمارٹم کے لیے مردہ خانے منتقل کر دی ۔
پولیس کے مطابق انہیں اطلاع ملی کہ بی آر بی نہر سے ایک لڑکی لاش ملی ہے جس پرپولیس اور ریسکیو نے موقع پر پہنچ کر لاش نہر سے نکالی۔ پولیس کا کہنا تھا کی متوفیہ کی عمر پندرہ سے اٹھارہ سال جبکہ  لاش ایک دن پرانی معلوم ہوتی ہے ،موقع سے شواہد اکٹھے کر کے لاش مردہ خانے منتقل کردی گئی ہے ، ورثا کی تلاش جاری ہے ۔

 ایک اور واقعے میں قلعہ گجر سنگھ کے علاقے سے نامعلوم شخص کی بوسیدہ لاش برآمد ہوئی  ہے۔پولیس کے مطابق انہیں اطلاع ملی کہ قلعہ گجر سنگھ کے علاقے سے نامعلوم شخص کی لاش ملی ہے جس پر پولیس اور فرانزک ٹیموں نے موقع پر پہنچ کر شواہد اکٹھے کیے اور لاش کو تحویل میں لے لیا۔پولیس کا کہنا تھا کہ متوفی کی عمر تیس سے پینتیس سال ہے  جبکہ لاش آٹھ سے دس دن پرانی معلوم ہوتی ہے۔شناخت نہ ہونے پر لاش مردہ خانے منتقل کر دی گئی ہے ۔ موت کی وجوہات کا تعین پوسٹ مارٹم رپورٹ میں کیا جائے گا۔