(ویب ڈیسک)آج رات موسم کی صورتحال ملک کے بیشتر بالائی علاقوں میں مطلع جزوی ابر آلود رہے گا،بالائی خیبر پختونخوا، اسلام آباد، پنجاب، میں آندھی تیز ہوائیں چلنے کے علاوہ گرج چمک کے ساتھ ہلکی بارش کا امکان ہے.
محکمہ موسمیات کے مطابق جمعرات کے روز موسم کی صورتحال ملک کے بیشتر بالائی علاقوں میں مطلع جزوی ابر آلود رہے گا، پنجاب کے بیشتر بالائی اضلاع میں مطلع جزوی ابر آلود رہے گا، خطہ پوٹھوہار، میانوالی، سرگودھا، گوجرانوالہ، حافظ آباد میں آندھی تیز ہوائیں اور جھکڑ چلنے گرج چمک کے ساتھ ہلکی بارش بونداباندی ہو سکتی ہے، سیالکوٹ، لاہور،شیخوپورہ، فیصل آباداور نارووال میں آندھی تیز ہوائیں اور جھکڑ چلنے گرج چمک کے ساتھ ہلکی بارش بونداباندی کی پیش گوئی کی گئی ہے۔
اسلام آباد میں آندھی اور گرج چمک کے ساتھ ہلکی بارش بوندا باندی کی توقع ہے۔ خیبرپختونخوا کے بیشتر اضلاع میں مطلع جزوی طور پر ابر آلود رہے گا،دیر ،چترال ، سوات ، مانسہرہ، ایبٹ آباد، ہری پور میں آندھی تیز ہوائیں چلنے اور گرج چمک کے ساتھ ہلکی بارش کا امکان ہے۔
کشمیر اور گلگت بلتستان میں بھی آندھی تیز ہوائیں چلنے کے علاوہ گرج چمک کے ساتھ ہلکی بارش کی پیش گوئی کی گئی ہے۔مردان، صوابی، نوشہرہ، پشاور، کرم، کوہاٹ اور وزیرستان میں آندھی تیز ہوائیں چلنے اور گرج چمک کے ساتھ ہلکی بارش متوقع ہے۔ سندھ اور بلوچستان کے بیشتر اضلاع میں موسم گرم اور خشک رہے گا۔
محکمہ موسمیات کے مطابق بلوچستان کے وسطی اور جنوبی اضلاع میں شدید گرم رہنے کا امکان ہے جبکہ کشمیر اور گلگت بلتستان میں مطلع جزوی ابر آلود رہنے تیز ہواؤں اور گرج چمک کے ساتھ بارش ہوسکتی ہے۔