ویب ڈیسک : بھارتی اداکارہ اروشی روٹیلا نےسٹارباولر نسیم شاہ کو انسٹاگرام سے ان فالو کر دیاہے ۔

تفصیلات کے مطابق بھارتی اداکارہ اروشی روٹیلا نے نسیم شاہ کے ان سے متعلق  بیان کے بعد  انہیں سوشل میڈیا ویب سائٹ انسٹاگرام سے ان فالو کر دیا ہے۔ کچھ روز قبل نسیم شاہ نے ایک پریس کانفرنس نے اس بات کا انکشاف کیا کہ وہ اروشی کو جانتے ہی نہیں ۔

  نسیم شاہ کے بیان کے بعد بھارتی اداکارہ اروشی نے بھی خاموشی توڑتی ہوئےکہا کہ کچھ دن قبل میری ٹیم نے فینز کی ایڈیٹ کی گئی تمام خوبصورت ویڈیوز (11 سے 12 ) شیئر کیں جن کے بارے کسی کو علم نہیں تھا کہ ویڈیوز میں کون لوگ ہیں، میری میڈیا سے درخواست ہے کہ برائے مہربانی کسی بھی قسم کی خبر بنانے سے گریز کریں۔

واضح رہے کہ اروشی روٹیلا نے پاکستان اوربھارت کے میچ کی ایک کلپ اپنے انسٹا گرام سٹوری پر شئیر کی تھی جس کے بعد سوشل میڈیا پر اروشی اور نسیم شاہ کی مختلف میمز وائرل ہو رہی تھیں اور صارفین کی جانب سے دلچسپ تبصرے بھی کیے جا رہے تھے ۔