ٹیمپل روڈ (حافظ شہباز علی) پاکستاں کے انعام بٹ نے ورلڈ بیچ ریسلنگ میں ایک ہفتے میں دوسرا گولڈ میڈل جیت لیا۔
یونان میں ہونے والی بیچ ریسلنگ ورلڈ سیریز کے فائنل میں انعام بٹ نے آزر بائیجان کے پہلوان کے خلاف فیصلہ کن پوائنٹ جیت کر سبز ہلالی پرچم بلند کیا ہے،ا س سے قبل انہوں نے سیمی فائنل مقابلے میں یوکرائن کے پہلوان کو تین ،ایک سے شکست دی اور کوارٹر فائنل میں انعام بٹ نے رومانیہ کے ریسلر کو تین ،صفر سے شکست دی تھی۔
پاکستان ہی کے زمان انور نے اس ایونٹ میں برانز میڈل اپنے نام کیا، رواں برس بیچ ریسلنگ میں پاکستان کے مجموعی میڈلز کی تعداد اب تین ہوگئی ہے، بیچ ریسلنگ میں ایک ہفتے میں دوسرا گولڈ میڈل جیتنے والے محمد انعام بٹ نے اس کامیابی کو پوری پاکستانی قوم کے نام کیا۔
انعام بٹ کا کہنا ہے کہ پاکستانیوں نے ہمیشہ بہت پیار اور سپورٹ کیا ہے، آئندہ مقابلوں میں بھی شاندار پرفارمنس کا سلسلہ جاری رکھنے کی کوشش کروں گا۔