روزینہ علی : محکمہ موسمیات نے کہا ہے کہ ملک کے بیشتر علاقوں میں موسم خشک رہےگا، تاہم خیبرپختونخواہ، پنجاب کے میدانی علاقوں میں تیز / گردآلود ہواؤں چلنے کا امکان ہے ۔ 

محکمہ موسمیات کے مطابق تربت 41،چھور اورلسبیلہ میں 40 ڈگری سنٹی گریڈ درجہ حرارت ریکارڈ کیا گیا۔

محکمہ موسمیات نے بتایا ہے کہ اسلام آباد اور گردونواح میں موسم خشک جبکہ بعداز دوپہر تیز / گردآلود ہواؤں چلنے کا امکان ہے۔ خیبرپختونخوا کے بیشتر اضلاع میں موسم خشک رہنے کا امکان ہے، تاہم چترال، دیر میں اورگرج چمک کے ساتھ بارش ہو سکتی ہے۔ اسکے علاوہ پنجاب کے بیشتر اضلاع میں موسم خشک جبکہ بعداز دوپہر میدانی علاقوں میں تیز / گردآلود ہواؤں چلنے کا امکان ہے۔ 

محکمہ موسمیات نے کہا ہے کہ بلوچستان کے بیشتر اضلاع میں موسم خشک رہنے کا امکان ہے۔ سندھ کے بیشتر اضلاع میں موسم گرم اور خشک رہنے کا امکان ہے، تا ہم تھرپارکر، نگرپارکر، مٹھی، بدین، کراچی، ٹھٹھہ،سجاول، حیدرآباد اور گردونواح میں آندھی اورگرج چمک کے ساتھ چند مقامات پر بارش ہو سکتی ہے۔ کشمیر اور گلگت بلتستان میں رات /صبح کے اوقات میں موسم سرد رہنے کے علاوہ بارش کا امکان ہے ۔