سٹی42: ڈائریکٹر جنرل ایکسائز فیصل فرید نے کہا کہ گاڑی کے لیےمن پسند نمبر پلیٹ سکیم کا اجراء کیا جا رہا ہے۔
تفصیلات کےمطابق ڈائریکٹر جنرل ایکسائز فیصل فرید کا کہناتھا کہ وزیراعلی پنجاب مریم نواز کی منظوری کے بعد سکیم کا باقاعدہ اجراء کیا جائے گا، فیصل فرید نے کہا کہ من پسند نمبروں کی تین کیٹگریز رکھی گئی ہیں۔
کارپوریٹ کیٹگری کے تحت نمبر پلیٹ پر کمپنی کا نام لکھوایا جا سکے گا،پلاٹینم کیٹیگری کے تحت اپنا یا پیارے کا نام لکھوایا جا سکے گا۔
ڈی جی ایکسائز کا کہنا تھا کہ گولڈ کیٹیگری کے تحت تین من پسند حروف اور تین ہند سے لکھوائے جا سکیں گے، نمبر پلیٹ کے لیے مذہبی سیاسی یا سماجی منافرت پر مبنی لفظ یا ہندسہ الاٹ نہیں کیا جائے گا۔