فاران یامین: منشیات فروشوں کے خلاف پولیس ان ایکشن،خفیہ اطلاع پر ریکارڈ یافتہ خاتون سمیت 3 منشیات فروش کو گرفتار کرلیا گیا۔

تفصیلات کےمطابق ایس ایچ او غازی آباد نے پولیس ٹیم کے ہمراہ کارروائی کی،خفیہ اطلاع پر ریکارڈ یافتہ خاتون سمیت 3 منشیات فروش کو گرفتار کیا،امجد عرف قلفہ، احمد، سعدیہ منشیات کی سپلائی دیتے ہوئے رنگے ہاتھوں گرفتار ہوئے۔

ایس پی کینٹ اویس شفیق کے مطابق ملزمان سے 4 کلو سے زائد چرس برآمد ہوئی، ملزمان نے اعتراف کرتے ہوئے بتایا کہ وہ علاقہ غیر سے منشیات منگوا کر مختلف علاقوں میں سپلائی کرتے ہیں، پولیس نے مقدمات درج کرتے تحقیقات کا آغاز کردیا۔