فاران یامین: قائد اعظم انڈسٹریل اسٹیٹ میں پولیس نے 2 رکنی متحرک موٹر سائیکل چوروں اور ایک منشیات فروش کو گرفتار کر لیا ۔

 ملزمان سے 3 موٹر سائیکل، ماسٹر چابیاں، سپیئر پارٹ اور انجن برآمد ہوئے ہیں، جن کی مالیت لاکھوں روپے ہے۔

پولیس نے بتایا کہ یہ ملزمان قائد اعظم انڈسٹریل اسٹیٹ، ٹاؤن شپ اور دیگر مقامات پر وارداتیں کرتے تھے۔ وہ مل کر چوری کی کارروائیاں انجام دیتے تھے اور مال مسروقہ آپس میں تقسیم کرتے تھے۔ ان کا طریقہ کار یہ تھا کہ وہ موٹر سائیکل چوری کرنے کے لیے ماسٹر چابیوں کا استعمال کرتے تھے۔

سنیپ چیکنگ کے دوران پولیس نے منشیات فروش حسین بٹ کو 1 کلو 340 گرام چرس کے ساتھ گرفتار کیا۔ موٹر سائیکل چور ملزمان میں ثمین اقبال اور عدیل بابر مسیح شامل ہیں۔ ان کے خلاف مقدمات درج کر کے تفتیش جاری ہے۔