سٹی42: حکومت نے موٹر وے ایم 4  کو پنڈی بھٹیاں سے عبدالحکیم تک اور موٹروے ایم 3  لاہور سے درخانہ تک آمد ورفت کیلئے بند کردیا۔ 

ماحول میں پائی جا رہی دھندلاہٹ کی  وجہ سے ایم فور اور تھری  موٹر وے  کو ہر قسم کی ٹریفک کیلئے بند کردیا گیا  ہے۔

فیصل آباد کی تینوں انٹرچینجز سے بھی موٹروے پر انٹری بند کر دی گئی ہے۔ لاہور ملتان موٹروے ایم 3 لاہور سے درخانہ تک بند کردی گئی  ہے ۔موٹروے پولیس نے شہریوں کو غیر ضروری سفر سے گریز کرنے کی ہدایت کی ہے۔  ایم فور موٹر وے کی بندش کے بعد شہریوں کے پاس سفر کرنے کے لئے جی ٹی روڈ کا نسبتاً سست رفتار  ٹریفک سے بھری سڑک کا آپشن باقی رہ جاتا ہے۔