ویب ڈیسک: پاکستان ڈرامہ انڈسٹری کی معروف اداکارہ یشما گل نے متعدد سپرہٹ ڈراموں میں اپنی اداکاری کے جوہر دکھائے، ان کو سوشل میڈیا پر بھی متحرک دیکھا جاسکتا ہے، اداکارہ کے ساتھ عجیب واقعہ پیش آیا، ’ دل کا رشتہ ایپ‘ پر رشتے کیلئے 10 ہزار درخواستیں موصول ہوگئیں۔
تفصیلات کے مطابق یشما گِل نے روایتی رشتہ آنٹیوں کے مطالبات سے تنگ آ کر دل کا رشتہ ایپ پر اپنا پروفائل بنایا تھا جس کے بعد اداکارہ کو شادی کے خواہش مند افراد کی پوری دنیا سے ہزاروں درخواستیں موصول ہوئیں۔
اہم بات یہ ہے کہ اداکارہ کس کے ساتھ اپنا میچ بناتی ہیں، اگر آپ بھی یشما گِل سے شادی کے خواہشمند ہیں تو انہیں دل کا رشتہ ایپ پر اپنا رشتہ بھیج سکتے ہیں ،کیا معلوم وہ خوش قسمت آپ ہی ہوں؟
واضح رہے کہ اس سے قبل اداکارہ نے ایک ٹی وی شو میں اعتراف کیا تھا کہ آج کل میاں تلاش کرنا بہت مہنگا ہوگیا ہے، میں نے ایک اچھے رشتے کی تلاش کے لئے میرج بیورو سے رابطہ کیا تھا، اٰس کے لئے انہوں نے مجھ سے 8 لاکھ فیس مانگی تھی۔