(فہد علی)بوگیوال روڈ پر تیز رفتار ٹرالر کی ٹکر سے موٹر سائیکل سوار اے ایس آئی فیصل بھٹی جاں بحق ہو گیا۔
 پولیس کے مطابق شالیمار کے علاقے بوگیوال روڈ پر تیز رفتار ٹرالر کی زد میں آکر اے ایس آئی فیصل بھٹی جاں بحق ہو گیا ۔ فیصل بھٹی موٹر سائیکل پر سوار ہو کر اپنی ڈیوٹی پر جارہا تھا ۔ پولیس کے مطابق فیصل بھٹی ٹریفک ہیڈ کوارٹر لاہور میں تعینات تھا ۔۔ پولیس نے ٹرالر اور ڈرائیور کو حراست میں لیکر کاروائی شروع کردی ہے ۔