(مانیٹرنگ ڈیسک) قومی ٹیم کے سابق کپتان شعیب ملک کی اہلیہ ثانیہ مرزا کی ایک اور مزاحیہ ویڈیو سوشل میڈیا پر وائرل ہوگئی۔
بھارتی ٹینس سٹار ثانیہ مرزا اس وقت ٹی 20 ورلڈ کپ دیکھنے کے لئے اپنے شوہر شعیب ملک کے ساتھ متحدہ عرب امارات میں موجود ہیں جہاں پر وہ اپنی تصاویر اور ویڈیو گاہے بگاہے سوشل میڈیا پر شیئر کرتی رہتی ہیں، ثانیہ مرزا نے سوشل میڈیا پر ایک نئی ویڈیو شیئر کی ہے جس میں انہیں شعیب ملک کے ہمراہ روم میں بیٹھے اور لپ سنکنگ کرتے ویڈیو بناتے دیکھا جاسکتا ہے۔
ویڈیو میں موجود آواز کے ذریعے ثانیہ کو مشورہ دیا جاتا ہے کہ بیٹا ان کے ساتھ کبھی مت رہنا جنہیں تمہاری قدر نہ ہو، اس کے جواب میں ثانیہ لپ سنکنگ کرتے ہوئے اور شعیب کی طرف کیمرہ دکھاتے ہوئے کہتی ہیں کہ ان ہی کے گھر میں رہتی ہوں۔ثانیہ نے ویڈیو کے کیپشن میں گھر کی لکھ کر مرغی کا ایموجی بھی شیئر کیا۔