(سٹی 42) امریکی مشہور نامور ریپر ایم او ( MO3) کو ریاست ٹیکساس کے شہر ڈیلاس میں فائرنگ کر کے قتل کر دیا گیا ۔
تفصیلات کے مطابق 28 سالہ میلون نوبل عرف ایم او 3 کو گزشتہ رات کلیئر ڈین ڈرائیو پر واقع انٹراسٹیٹ 35 پر سیاہ رنگ کی گاڑی میں موجود مشتبہ شخص نے فائرنگ کرکے قتل کیا۔
غیر ملکی میڈیا رپورٹس کے مطابق پولیس کا کہنا ہے مشتبہ سیاہ فام مسلح شخص امریکی ریپر ایم او 3 کا پیچھا کر رہا تھا۔
پولیس کا کہنا ہے کہ امریکی ریپر ایم او 3 نے اسلحے سے لیس مشتبہ سیاہ فام مسلح شخص کو مشکوک انداز میں اپنی طرف بڑھتے دیکھا تو ہائی وے کی جانب بھاگنا شروع کر دیا۔ ملزم نے ایم او 3 کا پیچھا کرتے متعدد گولیاں چلائیں جس سے ریپیر شدید زخمی ہو گئے۔ ایم او 3 جلد از جلد قریبی ہسپتال منتقل کیا گیا جہاں وہ زخموں کی تاب نہ لاتے ہوئے 28 سال کی عمر میں دنیا فانی سے رخصت ہو گئے۔