(زین مدنی)ڈکیتی مزاحمت پر زخمی ہونیوالے معروف قوال اورگلوکار شیرمیاں داد خان روبصحت ہوگئے۔ گائیکی کاآغاز کردیا
تفصیلات کے مطابق معروف قوال شیرمیاں داد خان جنہیں پندرہ روز قبل فیصل آباد سے لاہور آتے ہوئے ڈاکوں نے لوٹنے کے ساتھ گولیاں مار کرزخمی کردیا تھا اور ایک گولی ان کے سینے پر بائیں جانب دل سے تین سینٹی میٹر اوپر لگی تھی انہیں فیصل آباد سے لاہور لایا گیا اور ڈاکٹرز ہسپتال میں داخل کروایا گیا۔
وہ ایک ہفتہ قبل گھر واپس آگئے تھے اور اب مکمل طور پر روبصحت ہیں اور انہوں نے باقاعدہ طور پر گائیکی کا آغاز بھی کردیا ہے۔
شیرمیاں داد نے کہا کہ وہ اللہ کا لاکھ لاکھ شکر ادا کرتے ہیں جس نے انہیں دوسری زندگی دی۔ انہوں نے اپنے مداحوں کا بھی شکریہ ادا کیا۔ انہوں نے حکومت سے مطالبہ کیا کہ غلط اور فیک خبریں لگانے والوں کے خلاف بھی کاروائی کی جائے۔