سٹی42: قومی ہاکی ٹیم کوالالامپور سے لاہور پہنچ گئی جہاں چئیرمین پرائم منسٹر یوتھ افییرز رانا مشہود ، ہاکی آفیشنلز ، سابق اولمپئینز  ، محمد ثقلین،شہباز سینئیر،خالد حمید، انجم سعید،ملک شفقت اور محمد شفیق  کھلاڑیوں کے استقبال کیلئے موجود ۔

قومی ہاکی ٹیم کا شاندار استقبال کیلئے  شائقین اور کھلاڑیوں کی فیملیز لاہور  ائیر پورٹ پر موجود ہیں۔قومی ہاکی ٹیم کی آمد پر ایئرپورٹ پر شائقین کی جانب سے قومی ہاکی ٹیم کے حق میں نعرے بازی کی گئی، ہاکی کھلاڑیوں کے رانا مجاہد زندہ باد کے نعرے، ہاکی متوالوں کے طارق بگٹی زندہ باد رانا مجاہد زندہ باد کے نعرے لگائے گئے۔

اذلان سابق عظیم ہاکی کھلاڑی اور سابق صدر پی ایچ ایف اختر رسول چوہدری نے میڈیا سے گفتگو کرتے ہوئے کہا کہ اذلان شاہ کپ میں قومی ہاکی ٹیم کی کارکردگی خوش آئند ہے اور اب وقت ہے کہ حکومت ہاکی کا ساتھ دے ۔ رانا مشہود نے کھلاڑیوں کو وزیر اعظم کا پیغام دیا ہے اس کا مطلب ہے کہ وہ ٹیم سے مل رہے ہیں ۔

دوسری جانب سابق سیکرٹری اولمپئین  آصف باجوہ نے گفتگو کرتے ہوئے کہا کہ قومی ہاکی ٹیم پر توجہ دینے پر وزیر اعظم پاکستان کے شکر گذار ہیں۔ وزیر اعظم نے رانا مشہود کی ڈیوٹی لگائی اور تمام کھلاڑیوں نے بہترین کارکردگی دکھائی ، میں صدر طارق بگٹی،  سیکرٹری رانا مجاہد اور تمام کھلاڑیوں کو مبارک باد دیتا ہوں۔

واضح رہے کہ 2010 کے بعد پہلی مرتبہ لاہور ائیر پورٹ پر قومی ہاکی ٹیم کا استقبال کیا گیا ہے اور قومی ہاکی ٹیم نے ازلان شاہ ہاکی ٹورنامنٹ میں سلور میڈل حاصل کیا ہے۔