سٹی42: آزاد کشمیر کی حکومت نے  ڈی آئی جی مظفرآباد ریجن یاسین قریشی کو  تبدیل کر دیا۔ کمشنر مسعودالرحمان کو بھی تبدیل کیا جا رہا ہے۔

  عرفان مسعود کشفی  کو مظفر آباد ریجن کا نیا  ڈی آئی جی تعینات  کر دیا گیا ہے۔ رات گئے موصول ہونے والی اطلاعات کے مطابق ڈی آئی جی یاسین قریشی کو بجلی کی قیمت پر احتجاج  کے دوران تشدد کے نتیجہ میں تبدیل کیا گیا ہے۔ 

نئے ڈی آئی جی پولیس کی تعیناتی کا نوٹیفکیشن جاری کر دیا گیا ہے۔ 
آزاد کشمیر حکومت کے ذرائع کا کہنا ہے کہ دارالحکومت مظفر آباد کے کمشنر مسعود الرحمان کو بھی  عہدہ سے ہٹانے کا فیصلہ کر لیا گیا ہے۔ ذرائع نے بتایا کہ  مظفر آباد کے نئے کمشنر عدنان خورشید ہوں گے۔