مانیٹرنگ ڈیسک: شہرمیں امن و امان کی صورتحال کے پیش نظر میٹرو بس سروس کو محدود کردیا گیا۔

ذرائع کے مطابق میٹرو بس کو گجومتہ سے ایم اے او کالج تک چلایا جارہا ہے, ایم اے او کالج سے شاہدرہ تک میٹرو بس سروس بند رہے گی،میٹرو بس سروس محدود ہونے سے شہریوں کو شدید پریشانی کا سامنا ہے۔میٹروبس سروس بند  ہونے سے ایم اےاوکالج کےسامنے شہریوں کارش لگ گیا، چنگچی رکشوں کےباعث ٹریفک کانظام درہم برہم ہوگیا۔ 

دوسری جانب تحریک انصاف کے پرتشدد احتجاج کے باعث غیر یقینی صورتحال کے باعث قومی ائیرپورٹس پر فلائٹ آپریشن متاثرہوا،لاہور ،اسلام آباد اور کراچی سمیت بڑے ائیر پورٹس کیلئے مختلف ائیرلائنز کی 60 سے زائد ملکی اور غیر ملکی پروازیں منسوخ کر دی گئیں۔