(سٹی42)وزیر اعظم عمران خان کی ہدایت پر ترکی کا مقبول ترین تاریخی ڈرامہ ارطغرل غازی  پاکستان کے سرکاری نشریاتی ادارے پی ٹی وی ہوم پر نشر کیا گیا جس نے ریکارڈ توڑ کامیابی حاصل کی۔مگر کچھ سوشل میڈیا صارفین نے تاریخی ڈرامے کے مزکری اداکار اور اداکارہ پر تنقید کرناشروع کردی۔

تفصیلات کے مطابق ترکی کے تاریخی ڈرامے' ارتغرل غازی' نے ترکی میں تو انتی مقبولیت حاصل نہ کی. پاکستان میں ترک ڈراما 'ارطغرل غازی' اس قدر مقبول ہوگیا ہے کہ اس نے مقبولیت میں ترکی کو بھی پیچھے چھوڑ دیا ہے.  پاکستان میں پہلی رمضان سے روزانہ نشر کیا جانے والا ڈراما 'ارطغرل غازی' ہر گزرتے دن کے ساتھ نیا ریکارڈ بنا رہا ہے اور اس کی مقبولیت میں اضافہ ہوتا جارہا ہے۔ پاکستان میں ارتغرل غازی کی مقبولیت کا اندازہ اس بات سے باآسانی لگایا جا سکتا ہے کہ ڈرامے کی پہلی قسط کو چند روز میں ہی کروڑوں صارفین نے دیکھا۔

سوشل میڈیا پر ترکش ڈرامہ نشر ہونے کے بعد سے ہی ڈرامے کی کردار 'حلیمہ' اور ' ارتغرل غازی' کے خوب چرچے کیے جارہے ہیں۔’’ ارطغرل غازی‘‘ نے پی ٹی وی پر نشر ہوتے ہی ریکارڈ بنادیے ہیں،یوٹیوب پر تو پی ٹی وی نے جھنڈے گاڑ دیے ہیں،اس ڈرامے نے پی ٹی وی کو ایک بار پھر زندہ کردیا ہے۔ڈرامے کی مقبولیت میں تیزی سے اضافہ ہونے لگا اور ' ارطغرل غازی' کے یوٹیوب چینل پر صرف 15 روز میں 10 لاکھ سبسکرائبرز ہو گئے۔

ترک ڈرامے کی بڑھتی ہوئی مقبولیت نے کامیابی کے جھنڈے گاڑے دیے اس کے ساتھ کچھ سوشل میڈیا صارفین نے اس پر تنقید بھی شروع کردی ۔ سوشل میڈیا پر پاکستانی صارفین نے ترکش اداکار اور اداکارہ کے اکاؤنٹس پر ان کی تصاویر پر لباس اور رہن سہن کو لے کر بے جا تنقید کرنا شروع کردی ہے۔

  اداکارہ ارمینا راناایک ٹوئٹ کرتے ہوئے کہا کہ 'میں معذرت خواہ ہوں، لیکن کیوں ؟  یہ اتنا برا کافی نہیں ہے کہ پاکستانی اداکاروں اور اداکاراؤں کو مذہب کی  آڑ میں تنقید کا نشانہ بنایا جاتا ہے اور اب ہم بین الاقوامی پلیٹ فارمز  پر بین الاقوامی اداکاروں کو مذہب کے حوالے سے تبلیغ کرکے خود کو مزید شرمندہ کر رہے ہیں'۔ یہ ناقابل یقین ہے! 

I’m sorry but WHY?! It’s bad enough that Pakistani actors/actresses are bullied under the guise of religion. Now, we are going to further embarrass ourselves by preaching to international actors on international platforms. This is unbelievable! Don’t @ me! pic.twitter.com/nGXeHXk6or

— Armeena ???? (@ArmeenaRK) May 11, 2020

  اداکار احسن خان نےسوشل میڈیا صارفین پر شدید غصے کا اظہار کرتے ہوئے ٹوئٹ کرتے ہوئے کہا کہ 'میں جانتا ہوں کہ  پاکستان میں لوگ سوچتے ہیں کہ یہاں پر اداکاروں کو ٹرول کرنا اور انہیں جج کرنا ٹھیک ہے،کم از کم ارتغرل کی کاسٹ کو بخشا جائے،  یہ  شرمناک بات ہے'۔

I know people in #Pakistan think it's ok to troll actors here and judge them, atleast spare the cast of #Ertugral it's bloody shameful what's going on! Who the hell are we to do this to them?

— Ahsan Khan (@Ahsankhanuk) May 11, 2020

 واضح رہے کہ ڈرامے نے  پاکستان میں تمام تر ریکارڈز توڑ دیے اور اس کی پہلی قسط کو یوٹیوب پر ایک کروڑ 41 لاکھ سے زائد افراد دیکھ چکے ہیں۔ یوٹیوب پر 10 لاکھ سبسکرائبرز کے علاوہ ارطغرل غازی تقریباً روزانہ ہی مائیکرو بلاگنگ سائٹ ٹوئٹر کے ٹرینڈنگ پینل پر سر فہرست نظر آتا ہے۔