گلبرگ (زین مدنی) پاکستان سپر لیگ کے میچوں میں میزبانی کے فرائض سر انجام دینے والے گلوکار و میزبان فخر عالم لاہور کے قذافی اسٹیڈیم میں اپنے نام کے نعرے سن کے نہ صرف حیران رہ گئے بلکہ مداحوں کی محبت دیکھ کر ان کی آنکھیں اشک بار ہو گئیں۔
سوشل میڈیا سائٹ ٹوئٹر پر فخر عالم نے کراچی کنگز اور لاہور قلندرز کے میچ کے دوران لی گئیں تصویریں شیئر کرتے ہوئے لکھا کہ جب وہ گراؤنڈ کے احاطے میں گئے تو وہاں اسٹیڈیم میں موجود شائقین کرکٹ کی جانب سے بڑے جوش و خروش سے فخر، فخر کے نعرے لگائے جارہے تھے۔
انہوں نے لکھا کہ ان نعروں کو سن کر انہیں لگا کہ وہ نعرے کرکٹر فخر زمان کے لیے ہیں لیکن تھوڑی ہی دیر میں انہیں اندازہ ہوا کہ فخر زمان تو آؤٹ ہو کر پویلین جا چکے ہیں یہ نعرے میرے لیے ہیں۔
فخر عالم نے لکھا کہ اسٹیڈیم میں شائقین کرکٹ کی جانب سے دیئے جانے والے پیار کو دیکھ کر ان کی آنکھوں میں آنسو آگئے۔ ٹویٹ کے آخر میں انہوں نے لاہور میں موجود اپنے پرستاروں کی والہانہ محبت کا شکریہ ادا کیا۔