(علی رامے) نگران وزیراعلیٰ پنجاب سید محسن رضا نقوی نے شکایات سیل اور سپیشل مانیٹرنگ یونٹ کےمختلف شعبوں کامعائنہ کیا اور کارکردگی کا جائزہ لیا۔
اس موقع پر افسران وعملہ غیر حاضر تھا اور ایئرکنڈیشنڈ چل رہےتھے جس پر وزیراعلیٰ سخت برہمی کا اظہار کیا اور شکایات سیل کے سربراہ کو عہدے سے ہٹانے کا حکم دیا۔
اس موقع پر وزیراعلیٰ محسن نقوی نے شکایات سیل میں سائلین سے فون پر گفتگو کی اور ان کے مسائل سنے، سائلین کو مسائل جلد حل کرنے کی یقین دہانی کروائی۔
اس موقع پر وزیراعلیٰ نے ہدایات جاری کی کہ شہریوں کےمسائل مقررہ وقت میں پورے کیے جائیں۔