اسرار خان : لاہور کے مختلف علاقوں سے 3 افراد کی لاشیں ملیں ہیں ۔ 

 ایدھی ترجمان کے مطابق نصیر آباد کے علاقے سے 60 سالہ نامعلوم شخص کی لاش ملی۔ کوٹ لکھپت کے علاقہ قینچی پل کے قریب 50 سالہ نامعلوم شخص مردہ حالت میں ملا، جبکہ مصطفٰی آباد سے بیہوشی کی حالت میں ملنے والا نامعلوم شخص ہسپتال میں دم توڑ گیا ۔ 

ایدھی ترجمان کا کہنا ہے کہ متوفین نشے کے عادی تھے، بظاہر نشے کی زیادتی کے باعث ہلاک ہوئے۔ پولیس کارروائی کے بعد تینوں لاشیں مردہ خانے منتقل کر دی گئیں۔