پاسپورٹ آفس برکت مارکیٹ کے باہر بھی بارش کا پانی جمع ہوگیا

جنیدریاض: پاسپورٹ آفس برکت مارکیٹ کے باہر بھی بارش کا پانی جمع ہوگیا جس کے باعث پاسپورٹ بنوانے کیلئے آنے والے شہریوں کو پانی سے گزر کر پاسپورٹ آفس جانا پڑا۔
 تفصیلات کےمطابق برکت مارکیٹ پاسپورٹ آفس کے باہر بھی ہرسال کی طرح اس سال بھی بارش کا پانی جمع ہوگیاجس کے پاسپورٹ بنانے آنے والے شہریوں کو مشکلات کا سامنا کرنا پڑا،اس موقع پرشہریوں نے واساء انتظامیہ کو شدید تنقید کا نشانہ بنایا،شہری کا کہنا تھا وزیر اعلی پنجاب نکاسی آب کے انتظامات کو بہتر بنانے کیلئے فوری نوٹس لیں۔
مڑیاں سٹاپ کے قریب سٹرک پر درخت گرجانے سے ٹریفک شدید جام رہی جسکے باعث شہریوں کو شدید کوفت کا سامنا کرنا پڑا جبکہ برکت مارکیٹ میں بھی نکاسی آب کے انتظامات بہتر نہ ہونے کے باعث بارش کا پان کھڑا ہوگیا ہے جس کے باعث کاروبار زندگی بھی متاثر رہا۔