ویب ڈیسک: ہیمبن ٹوٹا میں پاکستان اور لنکن بورڈ الیون کا دو روزہ پریکٹس میچ بے نتیجہ ختم ہو گیا۔دوسرے دن کے کھیل میں بابراعظم نے 79 اور سعود شکیل نے 61 رنز بنائے۔
دوسری اننگز میں میزبان ٹیم نے 4 وکٹوں پر 88 رنز بنائے اور میچ ڈرا ہو گیا۔
دوروزہ پریکٹس میچ کی پہلی اننگزمیں پاکستان نے 342رنز بنائے۔شان مسعود کے 83 بابراعظم کے 79اور سعود شکیل کے61 رنز تھے۔لنکن بورڈ الیون پہلی اننگز میں196 رنز بناکر آؤٹ ہوگئی تھی۔اس طرح پاکستان کی 146 رنز کی لیڈ کے ساتھ لنکن ٹیم نے دوسری اننگز کا آغاز کیا اور دن کے اختتام تک 4 وکٹوں کے نقصان پر 88 رنز اسکور کئے۔
قومی ٹیم کل گال روانہ ہو گی جہاں پاکستان اور سری لنکا کے درمیان سیریز کا پہلا ٹیسٹ 16 جولائی سے شروع ہو گا۔