(ویب ڈیسک)بھارت میں بپھرے بیل کے بینک میں گھس گیا ، افرا تفری مچ گئی واقعے کی ویڈیو سوشل میڈیا پر وائرل ہورہی ہے۔
بھارتی میڈیا رپورٹس کے مطابق ریاست اترپردیش کے شہر اناؤ کی اسٹیٹ بینک آف انڈیا (ایس بی آئی) کی شاہ گنج برانچ میں بپھرا بیل گھس گیا، لوگ ڈر کے مارے ادھر اُدھر بھاگنے لگے۔
سماجی رابطے کی ویب سائٹ ایکس (ٹوئٹر) پر کمار منیش نامی صارف نے ویڈیو شیئر کی اور لکھا کہ ’ایس بی آئی بینک کا عملہ بیل سے کہہ رہا ہے کہ ابھی کھانے کا وقفہ ہے۔‘
SBI bank to bull: Abhi Lunch Time Hai ????pic.twitter.com/m6vtYgnyJP
— Kumar Manish (@kumarmanish9) January 10, 2024
ویڈیو میں دیکھا جاسکتا ہے کہ بیل بینک کے اندر موجود ہے جبکہ عملے کی جانب سے لوگوں سے کہا جارہا کہ ادھر سے ہٹ جائیں اور پیچھے کی طرف آجائیں۔
ویڈیو کے آخر میں سیکیورٹی گارڈ کو چھڑی کی مدد سے بیل کو بھگاتے ہوئے دیکھا جاسکتا ہے، خوش قسمتی سے بیل نے کسی کو کوئی نقصان نہیں پہنچایا۔
مذکورہ ویڈیو سوشل میڈیا پر وائرل ہونے پر صارفین کی جانب سے اس پر دلچسپ تبصرے کیے جارہے ہیں۔