ویب ڈیسک: کراچی ایک بار پھر دنیا کے آلودہ ترین شہروں میں سر فہرست آگیا۔
ائیر کوالٹی انڈیکس(اے کیو آئی) کے مطابق کراچی کا فضائی معیار انتہائی مضر صحت ہے اور کوالٹی ائیر انڈیکس 442 ریکارڈ کیا گیا۔لاہورکا فضائی معیار بھی مضرصحت قرار دیا گیا او رلاہور آلودہ شہروں میں آٹھویں نمبر پر رہا جب کہ اس کا ائیر کوالٹی انڈیکس 173 ریکارڈ کیا گیا۔
علاوہ ازیں آلودہ شہروں میں ڈھاکا دوسرے اور کولکتہ تیسرے نمبر پر دیکھا گیا۔ائیر کوالٹی انڈیکس کے مطابق 151 سے 200 درجے تک آلودگی مضر صحت، 201 سے 300 درجے تک آلودگی انتہائی مضر صحت اور 301 سے زائد درجہ خطرناک آلودگی کو ظاہر کرتا ہے۔
