(مانیٹرنگ ڈیسک) مقبول ترین ڈرامہ " عہد وفا" سے شہرت پانے والی اداکارہ علیزے شاہ کی گلوکار علی ظفر کے بھائی دانیال ظفر کے ساتھ سوشل میڈیا پر ویڈیو وائرل ہوگئی۔
معروف گلوکار و اداکار علی ظفر کے بھائی دانیال ظفر نے سماجی رابطے کی ویب سائٹ انسٹاگرام پر ایک دلچسپ ویڈیو شیئر کی جس میں دیکھا جاسکتا ہے کہ وہ ایک دیوار کے پیچھے چھپ کر علیزے شاہ کا انتظار کررہے ہیں، اداکارہ جیسے ہی ایک کمرے سے نکلتے ہوئے باہر آتی ہیں تو دانیال عزیز انہیں ایک زور دار آواز لگا کر ڈرا دیتے ہیں۔
View this post on Instagram
وائرل ویڈیو میں دیکھا جاسکتا ہے کہ ڈرنے کے بعد علیزے شاہ اپنا بدلہ لینے کے لیے دانیال ظفر کو مار بھی رہی ہیں، مداحوں کی جانب سے دونوں فنکاروں کی ویڈیو کو خوب سراہا جارہا ہے۔
دوسری جانب دانیال ظفر کی ویڈیو علیزے شاہ کی جانب سے بھی اپنے انسٹاگرام اکاؤنٹ کی سٹوری پر شیئر کی گئی جس میں ان کا کہنا تھا کہ ’دانیال ظفر نے یہ ٹھیک نہیں کیا۔
واضح رہے کہ سماجی رابطے کی ویب سائٹ انسٹاگرام پر علیزے شاہ کے فالوورز کی تعداد 3 ملین یعنی 30 لاکھ ہوگئی، جس پر انہوں نے مداحوں کا شکریہ بھی ادا کیا، علیزے شاہ کو ڈرامہ سیریل ’ عشق تماشا‘ میں بہترین اداکاری کرنے پر ایوارڈ بھی دیا گیا تھا۔