(اسرار خان)شہر میں ٹریفک حادثات کا سلسلہ بدستور جاری ،ٹریفک حادثات تیز رفتاری، غفلت برتنے اور ٹریفک قوانین کی خلاف ورزی کے باعث پیش آئے ۔
گزشتہ 24 گھنٹوں کے دوران 270 ٹریفک حادثات میں 255 افراد زخمی ہو ئے 104 شدید زخمیوں کو فوری طبی امداد کیلئے مقامی ہسپتالوں میں منتقل کیا گیا۔ریسکیو ڈبل ون ڈبل ٹو کے اعداد و شمار کے مطابق گزشتہ چوبیس گھنٹوں کے دوران شہر کے مختلف علاقوں میں ہونے والے 270 ٹریفک حادثات پر امدادی ٹیمیں روانہ کی گئیں۔
حادثات کی زد میں آکر مجموعی طور پر 255 افراد زخمی ہوئے، 104 شدید زخمیوں کو فوری طبی امداد کے لئے مقامی ہسپتالوں میں منتقل کیا گیا ، 151 معمولی زخمیوں کو موقع پر فرسٹ ایڈ فراہم کی گئی۔ ریسکیو حکام کا کہنا ہے کہ ٹریفک حادثات تیز رفتاری، غفلت برتنے اور ٹریفک قوانین کی خلاف ورزی کے باعث پیش آئے ۔