لاکھوں روپے کی گیس چوری پکڑی گئی 

 شاہد سپرا: سوئی ناردرن لاہور ویسٹ ریجن کی ٹیموں نے شاہ پور کانجراں میں کارروائی  کی ۔ اکیس گھروں میں لاکھوں روپے کی گیس چوری پکڑ لی۔
سوئی ناردرن گیس کمپنی ویسٹ ریجن کے جنرل مینجر اظہر رشید کی نگرانی میں شاہ پور کانجراں کے علاقے میں آپریشن کیا گیا جس کے دوران اکیس گھروں میں گیس چوری پکڑی گئی۔ جنرل مینجر اظہر رشید کے مطابق ٹمپرڈ میٹر کی مدد سے گھروں میں گیس چوری کی جا رہی تھی جبکہ گھروں تک غیر قانونی پائپ لائن سے نیٹ ورکنگ کی گئی تھی۔ ٹیموں نے میٹر منقطع کر کے لیبارٹری رپورٹ کے لئے بھجوا دیا ۔لیبارٹری رپورٹ کی روشنی میں محکمانہ و قانونی کارروائی کی جائیگی۔