آج رات موسم خوشگوار رہے گا

سٹی 42 : ملک کے  بیشتر علاقوں میں آج رات موسم خوشگوار رہے گا، رات کے اوقات میں درجہ حرارت 22 سینٹی گریڈ رہنے کا امکان ظاہر کیا گیا ہے۔ 

محکمہ موسمیات کے مطابق اتوار کے روز اسلام آباد اور گردونواح   میں موسم گرم رہنے کا امکان ہے۔   خیبرپختونخوا کے بیشتر اضلاع میں  موسم   گرم اور خشک  رہنے کے علاوہ بعداز دوپہر  جنوبی اضلاع میں تیز ہوائیں چلنے کی توقع ہے، جبکہ دن کے درجہ حرارت میں  معمول سے 02 سے04ڈگری سینٹی گریڈ زیادہ رہنے کا امکان ہے۔ 

پنجاب کے بیشتر اضلاع میں  موسم گرم رہنے کے علاوہ بعداز دوپہر  میدانی علاقوں میں تیز ہوائیں چلنے کی توقع ہے، جبکہ دن کے درجہ حرارت میں  معمول سے 03 سے05 ڈگری سینٹی گریڈ زیادہ رہنے کا امکان ہے ۔ اسکے علاوہ سندھ کے بیشتر اضلاع میں  موسم   گرم اور خشک  رہنے  کےعلاوہ بعداز دوپہر  بالائی اضلاع میں تیز ہوائیں چلنے کی توقع ہے، جبکہ دن کے درجہ حرارت میں  معمول سے 03 سے05 ڈگری سینٹی گریڈ زیادہ رہنے کا امکان ہے۔

بلوچستان کے بیشتر اضلاع میں موسم  گرم رہنے کا امکان ہے، تاہم دن کے درجہ حرارت میں  معمول سے 03 سے05 ڈگری سینٹی گریڈ زیادہ رہنے کا امکان ہے۔ کشمیر  اور  گلگت بلتستان میں  موسم خشک رہنے کا امکان ہے، جبکہ دن کے درجہ حرارت میں  معمول سے 02 سے04ڈگری سینٹی گریڈ زیادہ رہنے کا امکان ظاہر کیا گیا ہے۔