سٹی42:  ایچ بی ایل پاکستان سپر لیگ (پی ایس ایل)  کے  سیزن 10کے پہلے میچ میں دفاعی چیمپئن اسلام آباد یونائیٹڈ نے لاہور قلندرز کو 8 وکٹ سے شکست دے دی۔

اسلام آباد یونائیٹڈ نے لاہور قلندرز نے پہلے کھیل کر 140 رنز  بنائے تھے۔ اسلام آباد یونائٹڈ نے یہ آسان ہدف 18 ویں اوور میں حاصل کرلیا۔

راولپنڈی سٹیڈیم میں کھیلے جانے والے میچ میں گزشتہ سیزن کی چیمپئن اسلام آباد یونائیٹڈ ن کے کیپٹن شاداب خان نے ٹاس جیت کر خود  ٹارگٹ چیز کرنے کا فیصلہ کیا تھا۔

لاہور قلندرز کی اننگز
لاہور قلندرز کی ٹیم آخری اوور میں 139 رنز بناکر آؤٹ ہوئی۔ قلندرز کے عبداللہ شفیق نے 66 رنزکی اننگز کھیلی۔ شفیق نے 3 چھکے  اور 6 چوکے لگائے۔ سکندر رضا نے 23  بنائے اور ایک اونچا چھکا لگانے کی کوشش میں باؤنڈری پر کیچ ہو گئے۔ حارث رؤف 10 اور محمد نعیم 8 رنز بناسکے، باقی تمام بیٹرز مین سے کوئی وکٹ پر  نہیں ٹک سکا۔

شاہین آفریدی اور آصف آفریدی نے 2، 2 رنز بنائے،سیم بلنگز، جہانداد خان اور ڈیوڈویسا صفر پر آؤٹ ہوئے۔

اسلام آباد یونائیٹڈ کی جانب سے جیسن ہولڈر نے 4 وکٹیں حاصل کیں۔ آخری وکٹ کیپٹن شاداب نے لی۔

اسلام آباد یونائیٹڈ کی اننگز
اسلام آباد یونائیٹڈ نے لاہور قلندرز کا 140 رنز کا ہدف 2 وکٹوں کے نقصان پر 18 ویں اوور میں پورا کرلیا۔

اسلام آباد یونائیٹڈ کی جانب سے  کولن منرو 59 رنز کے ساتھ ناٹ آؤٹ رہے، انہوں نے ایک چھکا اور 7چوکے لگائے جبکہ سلمان آغا 41 رنز بناکر ناقابل شکست رہے۔

اس کے علاوہ صاحبزادہ فرحان نے 24 گیندوں پر 25 رنز بنائے، جس میں 3 چھکے شامل تھے۔

لاہور قلندرز کی جانب سے آصف آفریدی اور حارث رؤف نے ایک ایک وکٹ حاصل کی۔